Сибай институтында Халыҡ-ара туған телдәр көнөнә арналған квиз-уйын үтте. Уйынды педагогика факультетының "Дарман" ғилми түңәрәге ойошторҙо. Сараны асып, түңәрәктең етәксеһе - филология фәндәре кандидаты, доцент Сәмерханова Гөлкәй Хәйҙәр ҡыҙы һәр кеше үҙенең туған телен белергә, өйрәнергә тейешлеген һыҙыҡ өҫтөнә алып үтте. Туған телдең киләсәге ышаныслы булһын өсөн, ул әүҙем ҡулланылышта булырға тейеш!
❗Квиз-уйында төрлө әҙерлек йүнәлештәре студенттарынан тупланған 3 команда көс һынашты. Улар 5 этаптан торған квиз-уйыны барышында башҡорт теленең үҙенсәлектәре тураһындағы төрлө ҡыҙыҡлы һорауҙарға яуап бирҙе, тел тураһында мәҡәл-әйтемдәр белеүҙә ярышты һәм башҡа эш төрҙәрен башҡарҙы.
📗Уйын барышында төрлө телдәр тураһында ҡыҙыҡлы мәғлүмәттәр бирелә барҙы. Көйәрмәндәр өсөн дә конкурстар булды. Улар тел тураһында шиғырҙар һөйләп, йырҙар йырлап, үҙ командаларына өҫтәлмә балл алырға ярҙам итте. Уйын ҡыҙыҡлы һәм фәһемле булды. Командаларҙың үҙ телдәрен яҡшы белеүе ҡыуандырҙы.
✅Жюри ағзалары филология фәндәре кандидаты, доцент, рус, башҡорт һәм сит телдәр кафедраһы етәксеһе Хәлидә Барый ҡыҙы Нурғәлина һәм филология фәндәре кандидаты, доцент Нәилә Азамат ҡыҙы Ласынова командаларҙы ғәҙел баһаланы. Урындар түбәндәгесә билдәләнде:
🥉3 урын - "Самрау" командаһы;
🥈2 урын - "Телһөйәрҙәр" командаһы;
🥇1 урын - "Бишбармаҡ" командаһы.
Сара бергәләп "Башҡорт теле" йырын башҡарыу менән тамаланды.
Квиз-уйында ҡатнашыусыларҙың һәм көйәрмәндәрҙең барыһына ла ҙур рәхмәт!
#Сибайинституты #ҡоролтай #БашҡортТеле #курултай #ДеньРодногоЯзыка #ТуғанТелКөнө #Сибай
