Лариса Хашим ҡыҙы Абдуллина һәм Бөтә Донъя башҡорттары Ҡоролтайы вәкилдәре Рамаҙан Өмөтбаев исемендәге башҡорт лицейы һәм интернат-гимназия уҡыусылары менән осрашты.
✅Осрашыуҙы асып, Илдар Сәлихйән улы Хәмитов Сибай институтының республиканың киң мәғлүмәт саралары менән хеҙмәттәшлек итеүе, сығарылыш студенттарының күптәренең бөгөнгө көндә медиаөлкәлә уңышлы эшләп йөрөүҙәре хаҡында әйтеп үтте. Әгәр ҙә һеҙ беҙҙең уҡыу йортона уҡырға килһәгеҙ, йәш хәбәрселек эшегеҙҙе ошо уҡыу йортонда ла уңышлы дауам итә алаһығыҙ,- тине, Илдар Сәлихйән улы.
✍ Артабан ҡунаҡтар нисек мәҡәлә яҙыу, тема һайлау, һүрәтләмәнең башы, төп өлөшө, уға фото һайлау хаҡында бик бай һәм фәһемле мәғлүмәт бирҙе.
💯Балалар яҙыусыһы Рәйсә Миҙхәт ҡыҙы Иҫәнбаева үҙенең уҡыусылары менән нисек ижад менән шөғөлләнеүҙәре хаҡында мауыҡтырғыс итеп һөйләне һәм уларҙың шиғырҙарын уҡыны.
📕Гимназия-интернатының 6 синыф уҡыусыһы Илбулова Гөлсинәгә "Йәш Шәһитсе" танытмаһы тапшырылды. Осрашыу һуңында унда ҡатнашыусыларҙың барыһына ла "Мин-йәш Шәһитсе" журналының беренсе һаны бүләк ителде.
