"Идеалдарым - бөйөк, күңелем - ғали,
Йондоҙҡайым яҡты, аҡ ине".
✍Күренекле яҙыусы, төрки ҡатын-ҡыҙҙары араһында тәүге роман авторы, сәйәси золом ҡорбаны Һәҙиә Дәүләтшинаның тыуыуына 120 йыл.
✅1905 йылдың 5 мартында Һамар өлкәһе Хәсән ауылында яҙыусыһы Һәҙиә Дәүләтшина тыуған. Һәҙиә Лотфулла ҡыҙы уҡытыусы булып эшләй, 1936 йылда Минск ҡалаһында үткән яҙыусыларҙың 3-сө Пленумында ҡатнаша, 10-сы Бөтә Башҡортостан съезына делегат итеп һайлана, 1937 йылда Ватанға хыянат итеүсенең ғаилә ағзаһы тип ҡулға алына һәм 5 йылға иркенән мәхрүм ителә. Мордовиялағы Темников лагеренда ултыра, аҙаҡ Бөрө ҡалаһына ебәрелә, ошонда уҡ үпкә ауырыуынан вафат була. Һәҙиә Дәүләтшина - төрки халыҡтары араһында роман ижад иткән беренсе ҡатын-ҡыҙ, 1967 йылда, үлеменән һуң “Ырғыҙ” романы өсөн Салауат Юлаев исемендәге дәүләт премияһы бирелә.
