Әсәйҙәр көнө алдынан Сибай институтының ижади төркөмө Хәйбулла районы Аҡъяр ҡасабаһының Мәҙәниәт йортонда "Әсәйҙәр-тормош биҙәге" тип исемләнгән ҙур концерт менән сығыш яһаны.
Тамашала халыҡ-ара һәм республика конкурстары лауреаты Айнур Туҡтаев вокал студияһында шөғөлләнеүсе үҙенең уҡыусылары һәм Сибай институтының "Ете ырыу" (етәксеһе Башҡортостан Республикаһының атҡаҙанған артисы Ләйсән Таштимирова) халыҡ бейеүҙәре ансамбле менән сығыш яһаны. Концертҡа бөгөнгө көндә улдары махсус хәрби операцияла ҡатнашҡан әсәйҙәр саҡырылған ине. Тамашасылар әсәйҙәргә арналған йырҙарҙы, беҙҙең студенттарыбыҙҙың дәртле бейеүҙәрен ихлас ҡабул итте һәм көслө алҡыштарға күмде.
Хәйбулла районы хакимиәте етәкселеге беҙҙең студенттарыбыҙға эстәлекле концерттары һәм уҡыу йорто тураһында тулы мәғлүәмт биргәндәре өсөн оло рәхмәттәрен еткерҙе.
