Сибай институты директоры Илдәр Сәлихйән улы Хәмитов билдәле шағирә, публицист, журналист, йәмәғәт эшмәкәре, "Аҡбуҙат" журналының баш мөхәррире Лариса Хашим ҡыҙы Абдуллина менән осрашты.Ҡыҫҡа ғына булған аралашыуҙа Лариса Хашим ҡыҙы Илдар Сәлихйән улына үҙенең яңы ғына нәшриәттән сыҡҡан "ХАЛҠЫМ МИНЕҢ-ВАТАНЫМ" исемле китабын бүләк итте. Йыйынтыҡҡа авторҙың тыуған ергә, халыҡҡа, милләтенең үҙе бәләкәй саҡтан һеңдереп үҫкән күркәм йолаларына һөйөү менән һуғарылған шиғырҙары тупланған.
